دعاه لأكل لحم الحمير على الهواء.. فنان مصري يهاجم خالد الجندي (فيديو)

هاجم فنان مصري، الداعية خالد الجندي عضو المجلس الأعلى للشئون الإسلامية، والإعلامي تامر أمين بعد حديثهما عن أكل لحم الكلاب والحمير، والإشارة إلى أنه صحي وجائز وفق حديث الجندي.

وقال خلال الفنان تامر عبد المنعم خلال مقابلة تلفزيونية: "هي وصلت لكدة؟! بتحللوا أكل الحمير والكلاب، طيب ما تيجوا نشوي شوية عِرَس ونحشيها شوية رز وناكلها، ايه ده".

وأضاف: "ما يصحش اللي خالد الجندي وتامر أمين بيقولوه ده، أنا عندي حاجة اسمها غيرة على بلدي وعلى الفقير حتى في بلدي، عيب تقول كل لحم حمير وقزق رجلين الفراخ".


وتابع: "ايه الكلام الفاضي والفارغ اللي بيحصل ده، هو مفيش واحد يقول للناس ده عيب، الشعب المصري هتأكلوه كلاب وحمير ونهوهو، أنا معرفش ليه خالد الجندي قال اللي قاله ده".

وقال تامر عبد المنعم: "أنت هتاكل لحم حمير يا شيخ خالد الجندي؟ أنت هتاكل ديل كلب مسلوق مثلا واحنا مش عارفين؟ اطلع كل الحمار على الهواء متقوليش أنا آكل حمير، أقسم بالله لو قصادي قيل هذا الكلام ليبقى فيها محاكمتي، توصل تقول للناس كلوا حمار ولسان الفار".

وأضاف: "المصريين دول شموخ وكبرياء وعظمة وعمرنا ما كنا بنتعامل بالفلوس، ولا بنتكلم بالفلوس طول الوقت فيه فقر وفيه أزمات ومشاكل ومش هيجي أنيل من نكسة 1967، ولا أزخم من الأيام اللي شوفناها في 2011، وأيام أزمة الأمن المركزي، لكن متوصلش تطلع في التلفزيون وتخلي عيل من دولة تانية يطلع يتريق عليا أنا كمصري وعلى جنسيتي".

 وقال: "بكرة يقلي روح كل كلب ولا حمار، أنت مش فاهم يا خالد يا جندي بتعمل ايه ومش أهل انك تطلع في التلفزيون، أنت عارف المصري اللي قاعد دلوقتي في الكويت ولا قطر ولا أي دولة عربية بيشتغل صحابه ممكن يتريقوا عليه، أنت ازاي تهنا كده؟ لو كان الأمر بيدي لحاكمت خالد الجندي وتامر أمين لا بد من محاكمتهم".


وكان تامر أمين قال خلال إحدى حلقات برنامجه "آخر النهار"، إن لحم الحمير والأحصنة يباع ويؤكل في بعض الدول، ومنها دول متقدمة، ويقال إنه صحي وآمن وتابع: "احنا ليه ما بناكلش لحم الحمير والأحصنة".

وقال خالد الجندي: "المالكية قالوا الكلب ليس نجسا فعند الإمام مالك أكل لحم الكلاب جائز لأنها طاهرة، والحمار المخطط يجوز أكله".